أخبار العالمتنمية الذات
أخر الأخبار

نتكلم بالعامية

انت مين

نتكلم بالعامية عشان نتكلم براحتنا ،، كأنك بتسمعنى وتتحاور معايا ،،،

قلنا الإنسان حاجات كتير فوق بعض وقلنا على الروح والجسد والنفس والعاطفة والعقل والقلب والمشاعر والأحاسيس …. اتكلمنا على العقل وقلنا العقل عقل ظاهر أو واعى وعقل باطن أو اللاواعى وده اخطر من الظاهر ..لاننا بنغذيه كل لحظة بكلام سلبي أو كلام يكسرك من غير ماتحس ….الكلام الخطير كلام النفس كلام صامت غير مرئي وتحس انك بنتخانق مع نفسك ويجى عليك وقت تحس بخنقة وإحساس بالكآبة ،،،، عاوزين ازاى نتخلص من الكلام الغير مرئي أنه يتعبنا ويعطلنا ،،، اننا نفتح نافذة وتخرج المشاعر الضبابية دى ،،،مشاعر الغضب أو الإحباط أو الفشل أو الرفض أو الخمول كل المشاعر المؤذية بتكون مشاعر ضبابية تخيم على عقلك ومشاعرك وتحس بعدها بالخنقة والتعب ومن وقت للتانى نجعل المشاعر تخرج وعقلك تتنفس ،،، عندها طرق كتير نتخلص من المشاعر السلبية 

  • اول طريقة تتخيل الموقف ال احبطك وتعيد صياغته تانى وتتخيل التصرف ال كنت حاسس انك لازم تعمله وماعملتوش يعنى ترد على الإهانة أو تفض الخناقة أو تبرر اتهامك مواقف مختلفة 
  • تانى طريقة تكتب الموقف وتشرح مشاعرك بكل التفاصيل وبمنتهى الحرية اكتب كل مايخطر على بالك الكتابة تفريغ كتير الشحنة السلبية 
  • الطريقة التالتة تسجيل فويس على الموبايل او جهازك تسجيل صوتى بكل المشهد ال تحبه تكلم الشخص ال ضايقك تزعق للشخص ال ظلمك اتكلم وأتكلم وأتكلم بعدها هتحس براحة كبيرة جدا 
  • ممكن بعد طريقة تتخلص من الورق أو الفويس عشان ماتسمعش تانى ولاتقرا ال كتبته لأنه بقي ماضى وخلص وملف واتقفل ..

نتكلم بالعامية المرة الجاية نتكلم فى جزء تانى من الإنسان عشان تتعرف على نفسك …🌺🌺🌺🌺

gehan

مؤلفة قصص من الحياة‏
شاهد أيضاً
إغلاق
زر الذهاب إلى الأعلى