أخبار العالم

نتكلم بالعامية 10

الحلم

من واحنا صغيرين علمونا نحلم بس ماعلموناش ازاى نحقق الحلم ،، كنا محتاجين نتعلم ازاى نخطط وازاى نسعى وازاى يكون عندنا خطة بديلة ، وازاى نتعامل مع العقبات والأخطر ازاى نتعامل مع سارقي الاحلام والمحيطين والمثبطين والمنتقدين على طول الخط ….دى عقبات أسوأ لأنهم زنانين اكتر من وسوسة الشيطان ..اعوذ بالله من الشيطان الرجيم …

الحلم حلو لأنك بتكتب كل تفاصيله فى غقلك  وتحس بكل مشاعره ..وتعيش تفاصيله كلها ، وتتارجح بين احلام اليقظة وبين التخطيط وتنفيذ الحلم ..لكن تتوالى الصدمات وتلاقي نفسك مش عارف تعمل ايه غير انك تعافر أو تتخلى عن الحلم والاكثر بيحلموا حلم تانى ونعمل كل اللى. عملناه تانى من الاول ……المشكلة الحقيقية الملل والزهق انك ثبتت جواك انك فاشل مش عارف تحقق حلمك رغم كل سعيك وخاصة لما تسمع محاضرات المدربين ال بيتكلموا على الحماس والعزيمة والحافز وكلام كتير نظرى مش واقعى لأنه بيحسسك انك فاشل فاشل فاشل …..

الخلاصة

احلم وخطط واسعى وجاهد واستعن بالله من قبل البداية عشان يعينك على العقبات ولما تقع تقف تانى ويكون عندك حلم عشرينى لعشرين سنة جاية وحلم خمسينى لكل خمس سنين وحلم سنوى وهكذا …اوعى تبطل تحلم

طالما انت حى يبقي انت تحلم

 

جيهان بركات 📝

 

gehan

مؤلفة قصص من الحياة‏
0 0 votes
Article Rating
Subscribe
نبّهني عن
guest

0 تعليقات
Inline Feedbacks
View all comments
شاهد أيضاً
إغلاق
زر الذهاب إلى الأعلى
0
Would love your thoughts, please comment.x
()
x