أكلات رمضان

طريقه عمل التراميسو

طريقه عمل التراميسو, بعض السيدات تبحث دائما عن بعض الحلويات السريعه والتي تكون لذيذه

المذاق في نفس الوقت التراميسيوا من الحويات البسيطه والمميزه لدي البعض واليوم نقدم لكي طريقه عمل التراميسيو.

التراميسو

المكونات

-علبتين بسكويت
– كباية نسكافيه سخن
– معلقه صغيره فانيليا سايله
الكريمه:
– بيضتين ونفضل الصفار عن البياض
– ربع كباية سكر
– 300 جرام كريمة خفق
– 450 جرام جبنه مسكربون او كيري
– 3 معالق كبيره كاكاو بودره للتزيين

طريقه عمل التراميسو

طريقه التحضير

– نخفق الكريمه ونسيبها على جنب.
– ثم نخفق بياض البيض كويس مع معلقة سكر كبيره لحد ما يتقل ويعلى ونركنه على جنب.
– نخفق صفار البيض مع باقي كمية السكر والفانيليا السايله ونضيف الجبنه ونضربهم كويس لحد ما الخليط يبقى متماسك وبعدين نضيف عليه بياض البيض المخفوق والكريمه المخفوقه.
– نجيب البسكويت ونغمسه في النسكافيه ونخليه يتشرب كويس وبعدين نرص نص كمية البسكويت في صينيه بايركس ونحط فوقه نص طبقه من خليط الكريمه مع رشة كاكاو ونعمل صف تاني من البسكويت والكريمه والكاكاو وهكذا لحد آخر طبقه بالكريمه ونرش الكاكاو على الوش.
– ندخل التيراميسو التلاجه 12 ساعه ويفضل يوم كامل قبل التقديم. 

طريقه عمل التراميسو

طريقه عمل كيكه الكوكيز

المكونات

– 3 كوبايات دقيق
– بيضتين
– معلقه صغيره فانيليا
– نص كوبابة سكر أبيض
– نص كوباية سكر بني “ولو مش عارفه تجيبوه ممكن تعملوه سهل جداً هنجيب كباية سكر ٢٠٠ جرام تقريبا ونخلط معاه معلقة عسل اسود كبيره ونسيبه ينشف لتاني يوم.
– معلقه صغيره بيكينج بودر
– معلقه صغيره بيكينج صودا
– رشة ملح
– 200 جرام زبده بدرجة حراره الغرفه
– كوب ونص قطع شوكولاته صغيره “شوكليت شيبس”
– نوتيلا للحشو

طريقه عمل التراميسو

طريقه تحضير

– نخلط الدقيق مع البيكينج بودر والبيكينج صودا ورشة الملح.
– نخفق الزبده مع السكر ونضيف البيض والفانيليا لحد ما تتجانس المكونات مع بعضها.
– نضيف خليط الدقيق تدريجي مع الاستمرار في الخفق، وبعدين نضيف قطع الشوكولاته ونخلطها كويس في العجينه، هنلاحظ ان عجينة كيك الكوكيز تشبه عجينة البسكويت مش سايله زي عجينة الكيك العادي.
– ندهن صينيه او قالب بالزبده مع رشة دقيق عشان الكيك مايلزقش وبعدين نصب نص العجينه ونفردها كويس ونحط عليها النوتيلا وبعدين نصب باقي العجينه فوق.
– ندخل الصينيه الفرن على الرف اللي في النص على درجة حراره 200 لمدة 25 – 30 دقيقه ونشغل الشوايه اللي فوق لمدة دقيقه لحد ما لونه يبقى دهبي.
– نخرج الكيك من الفرن ونزين السطح بقطع شوكولاته M&M’S ونسيبه يبرد خالص وبعدين نقطعه ونقدمه. 

ودا لينك قناه اليوتيوب

https://www.youtube.com/channel/UC-V3y_uhjqmStDk4IEUdx6g

خدمات اخرى ، صفحتنا على الفيسبوك.

5 1 vote
Article Rating
Subscribe
نبّهني عن
guest

0 تعليقات
Inline Feedbacks
View all comments
زر الذهاب إلى الأعلى
0
Would love your thoughts, please comment.x
()
x