أخبار العالم

نتكلم بالعامية 13

اكتب

عقلنا الباطن شغال 24ساعة وكل جملة بتقولها هو بيترجمها ويدور على ملفها ويزودهالك ..يعنى قلت انا فاشل ومش عارف اعمل اى حاجة 😒 ده حديث صامت غير مرئي نفسك بتردده عقلك بياخد الجملة ويدخل فى الاعماق ويجيب لك كل موقف انت فشىلت فيه ، وكل تجربة وحلم وامتحان مريت به وفشلت ويزيد احساسك فعلا بالفشل ،، ولو انت تشعر بالفرحة لأى سبب عقلك هيدور فى ملفاتك على كل أسباب فرحتك فى عقلك الباطن …ننتبه لحديثك الصامت لأنه غير مرئي وبيزعج عقلك الباطن ويفتح لك الملفات اختار بقي ملفاتك بنفسك وشوف عاوز تفتح اى ملف ..ابحث عن السعادة ال جواك ابحث عن موقف نجحت فيه ابحث عن شخص اسعدك فى يوم من الايام من غير ماينتظر منك اى مقابل ولاحتى كلمة شكر ،ابحث عن منظر طبيعى كنت أنت جزء منه وانبسط اوى وانت موجود فيه جواك حاجات كتير تفجر جواك كل ملفاتك الحلوة …طب هنعمل ايه فى الملفات السلبية ال كل شوية تنط فى ذهننا وتتكلم وتقول كلام سلبي يزعجنا …ببساطة اكتب اكتب كل ماتفتتكر موقف سلبي انسان مزعج إهانة اتوجهت لك ، ظلم وقع عليك .فشل بعد محاولات كتير عشان تنجح ورغم كده فشلت ،حب راح أو حب تحول أو تعاسة بوجودك مع ناس لاتستحق تكون فى وسطهم ،،،عدم تقدير من ناس بذلت عشانهم كتير وخذلوك ..ناس عشمتك وكانت بتضحك عليك …ناس وعدت ناس قاسية كلمات جارحة …اكتب واكتب واكتب وتخلص من كل الملفات المفتوحة لكل حاجة ضاع فيها حقك وماعرفتش تاخده مش عشان انت سلبي والا ضعيف لا عشان انت اتصدمت والصدمة مش ممكن معاها تعرف تتصرف ولاتتكلم ولا تعرف تاخد حقك …اكتب كل ال مضايقك واكتب كل ال يفرحك 📝

اترك تعليق

avatar
  Subscribe  
نبّهني عن
زر الذهاب إلى الأعلى
إغلاق