الدين والمجتمع

لاتتزوجى غير اللى بكون سند لك واللى بيعطيكي ثقة بحالك وما بخذلك

كتير بشوف بنات بنبسطو بحياتهم لانهم تزوجو وفتحو بيت بس انا مابعرف ليش بخاف من الزواج وسيرتو

طبعا انا بشرتى مش صافية كتير وبحط مكياج لاغطيها بس فى يوم كنت مستعجلة كتير وما حطيت مكياج ع وجهى لما رحت شغلى بالصدفة الشاب اللى بشتغل معى نقلو عندى وانا انحرجت وخجلت كتير وهو لاحظ عليه وسالنى ليش بتخبي حالك منى ؟ .. حكيتلو عادى مافي شي .

حكالى ياريت ماتخجلى من حالك وكل شخص فينا عنده عيب والمشكلة اللى بوجهك هادى بسيطة وانتى احسن من غيرك لهيك لاتخجلى من حالك وهي انا عندى شامة لكن مابخبي حالى رغم انه كنت اكرها وانا صغير بس هلا كبرت وما بتهمنى .

بس روحت البيت صرت افكر بكلامه وحسيت انه صار عندى ثقة اكتر لدرجة انه بروح الشغل بدوون مكياج وبس اشووفه قلبي بدق وحسيت انه تعلقت فيه من كلامه لانه شخص بيفهم كتير .

بعد فترة اجى لعندى وحكالى بدى اطلبك من اهلك وانا ماعرفت شو بدى اقولو لانه اصلا عندى عقدة من الزواج بس بعد تفكير عميق وافقت يجي وخطبنا وتزوجنا وابعد مرور شهر صرت حامل وهو كان حنون كتير معى وبتحملنى بعصبيتى وانشغالى عنه وبس اقولو انا كتير بدايقك وبنشغل عنك يقولى مو مهم المهم انتى تكونى بخير ومابدى شي تانى .

واجى موعد ولادتى وانا اعيط وخايفة امووت وكنت اقولو ياريت لو موتت تسامحنى وهو يصير يضحك ويقولى يا مجنونة انا معك ما راح تموتى وزاد وجع الطلق عليه وكان هو جنبي وماسك ايدي .. وفجاة سمعت صوت ابني بعيط اطلعت فيه وصار يضحك ويقولى ” يمرتي المجنونة انتي متتي وانا متت وهسا احنا بالقبر صرنا نضحك وكل المستشفى انلمت عضحكتنا …” .

نصيحة يا بنات لاتتزوجى غير اللى بكون سند لك واللى بيعطيكي ثقة بحالك وما بخذلك ابدا واللى بتحملك عالمرة قبل الحلوة وما بمل منك ابدا .

الوسوم

مقالات ذات صلة

اترك تعليق

avatar
  Subscribe  
نبّهني عن
زر الذهاب إلى الأعلى
إغلاق
إغلاق